என் தமிழ் கவிதைகள்

தலைப்பில்லை, எனக்கு தலைபாயுமில்லை

2009-07-14T03:45:00.000-07:00

சமுதாய கிருமிகளும்
மத வெறி நாய்களும்
பொய் பிசாசுகளும்
பித்தலாட்ட குள்ள நரிகளும்
உயிர் உறிஞ்சும் ஒநாய்களும்
பிணம் தீனி கழுகுகளும்
வாழும் அரசியல் சாக்கடையை
பயம் என்னும் கருவி கொண்டு
தூர் வார கிளம்புங்கள்
இவர்களையும் மக்களை சேவிககும்
நன்றயுள்ள நாயகளாக்குவோம்

சற்று சிந்தித்து பார் - தீவிரவாதிக்கு சமர்ப்பணம்

2009-05-06T06:38:00.000-07:00

பொய் வாக்கு உறிதிகளும்
வஞ்சனை வாக்கியங்களும்
வெற்று போராட்டங்களும்
திடீர் உண்ணாவிரதங்களும்
கண் துடைப்பு விலை குறைப்புகளும்
இலவச வேட்டிசட்டைகளும்
வோட்டுக்கு இரு நூறு ரூபாயும்
போட்டிக்கு மத கலவரத்தையும்
தான் பாட்டுக்கு இன கலவரத்தையும்
தூண்டி விடுவது சராசரி மனிதனா?

தீவிரவாதத்தால் பகை போக்கி
மறைந்தவர்களுக்கு பகரம் கோரி
ஓர் இஸ்லாமியனுக்கு
மற்றொரு இந்து
ஓர் உயிருக்கு
மற்றொரு உயிர் என்று
போர் குரல் எழுப்பி செல்லும்
கோழை தீவிரவதியே!

உனது கோழைத்தனமான வீரம்
சோற்றிற்கு மண்டியடிக்கும்
நடுத்தர வர்கத்திடம் தான் செல்லும்.

சமுதாயத்தை திருத்திவது தான்
உன் நோக்கமென்றால்-உனக்கென்று
ஓர் கொள்கை இருந்தால் - தவறு
செய்பவரை தட்டிக்கேள் - அல்லாது
என் போன்ற நடுத்தர வர்கத்திடம்
காட்டாதே உனது கோழை வீரத்தை.

நீ செய்யும் தவறினால்
மற்றுமொரு அமைப்பு உருவாகும்,
அவர்கள் உன்னை சார்ந்தவரை
களை எடுக்க- நீ அவர்களை களை எடுக்க
இறுதியில் அரசியல் சதுரங்கத்தில்
வெறும் காய்களாக போவாய்.
சற்று சிந்தித்து பார்.

2008-12-16T01:25:00.000-08:00

என் வாழ்க்கை புத்தகத்தில்
உன் பெயர் எழுதிய தாள்களை
கிழித்து ஏறிய முயல்கிறேன்
இதர்காவது உதவி செய்.

குட்டி கதை

2008-12-01T04:43:00.000-08:00

ஹே இங்க படியிலே உட்கார்ந்து
என்னடா பண்றே

ஓ, நீயா, ஹி ஒண்ணுமில்ல
ஒரு சின்ன கவிதை

ஓஹோ, நீ கவிதை எல்லாம் கூட எழுதுவியா?

ம்ம், இப்போ தான் இரண்டு நாளா
எங்க, காட்டு பார்க்கலாம்

அவள் கேட்க அவனும் கொடுத்தான்

கை மாறியது தாள்கள்
இடம் மாறியது இதயங்கள்.

வெற்றிடம்

2008-11-28T06:15:00.001-08:00

உனக்கென்று மாற்றி வைத்த பொழுதுகளில்
நீயில்லை.

போர்

2008-10-10T08:12:00.000-07:00

என்னக்குள்ளே போர்
வெற்றியும் இல்லை
தோல்வியும் இல்லை
ஆனால், இறுதியில்
மடிந்து மண்ணாவது நான்.

வட்டம்

2008-07-29T06:42:00.000-07:00

இரவு போனதும்
நிலவும் போனது
பிரிவு போனதும்
நினைவும் போனது

நிலவு போனதும்
வானம் இருண்டது
நினைவு போனதும்
வாழ்க்கை இருண்டது

வானம் இருண்டதும்
இருள் சூழ்ந்தது
வாழ்க்கை இருந்ததும்
உன் புன்னகை சூழ்ந்தது

இருள் சூழ்ந்ததும்
உலகம் ஓய்ந்தது
புன்னகை சூழ்ந்ததும்
மனம் ஓய்ந்தது

உலகம் ஓய்ந்ததும்
இரவு போனது
மனம் ஓய்ந்ததும்
பிரிவும் போனது

கடிகாரம்

2008-07-29T06:14:00.000-07:00

இரண்டு முட்கள் -
அவர்களுக்குள் ஒட்டப்பந்தயம்,
உனது அழைப்பு வந்ததும்
அவர்களுக்குள் கண்ணாமூச்சியாட்டம்.

இலை உதிர் காலம்

2008-07-29T06:03:00.000-07:00

பசுமை நினைவுகள்
மறைந்தபின், பாரமான
உயிரற்ற தினங்களை
உதிரும் காலம்.
இது இலை உதிர் காலம் .

இறுதி வேண்டுகோள்

2008-07-02T07:00:00.000-07:00

வாயலில் காவல் நிற்கும் காலனை
சற்று நேரம் காக்க விடு

இதற்கு தானடி இந்நாள்வரை காத்திருந்தேன்
என் கரம் ஒருமுறை பற்றி விடு
உலர்ந்த என் உதட்டில் முத்தமொன்று இட்டு விடு

இம்முறை உன்னை தொலைத்து விட்டேன்
சென்று வருகிறேன் விடை கொடு

இருளில் ஒரு கனவு

2008-06-14T01:08:00.000-07:00

காரிருட்டில் ஒளிக்கும்
நிலவு வேண்டும்

அதன் கீழே தனியாய்
நானிருக்க வேண்டும்

அங்கே மனதை வருடும்
நிசப்தம் வேண்டும்

என்னுள் எதையும் சிந்திக்காத
சிந்தை வேண்டும்

மணல்தரியில் படுத்து
உறங்கிட வேண்டும்

பிடித்தவை எல்லாம்
கனவாக வேண்டும்

அக்கனவில் ஒரு வாழ்க்கை
நடத்திட வேண்டும்

நல்லவை எல்லாம்
நடந்திட வேண்டும்

அங்கு எப்பொழுதும் பாடும்
மனிதன் வேண்டும்

தீவையை எண்ணாத
மனங்கள் வேண்டும்

மதங்கள் இல்லாத
மக்கள் வேண்டும்

துன்பத்திலும் மனிதன்
சிரித்திட வேண்டும்

சிரிப்பே தேசிய கீதம்
ஆகிட வேண்டும்

சிறு குழியிலும் தண்ணீர்
தோன்றிட வேண்டும்

பின்னர் என் கனவுகள் கலையாமல்
நிரந்திரம் ஆகிட வேண்டும்.

2008-06-14T00:16:00.000-07:00

உன் கனா காணும் கண்களால்
நான் வினா தாள் கண்ட
மாணவன் போலானேன்..
உன் பார்வை வினாவில்
தொலைந்து விடை தேடினேன்...

२००० march, after college days

2008-05-23T04:28:00.000-07:00

கடலில் அலை மோதவில்லை
காலையில் ஓர் காகம் கூட கரையவில்லை
காற்றடித்தும் - ஓர் இலையும் அசையவில்லை.
மௌனம்,
மனித மனத்தை பித்தாக்கும் மௌனம்.
ஏன் இந்த நிலை என்று சிந்தித்த பொழுது
புரிந்தது,
இன்று முதல் கல்லூரி இல்லை என்று....
சற்று பின்னோக்கி சென்றேன்
கல்லூரி சாலைகள் மலரால் பொதிந்தவை போலிருந்தது
சிரித்த முகங்கள் மனதில்
மின்னி மின்னி சென்றன,
ஆனந்தமாய் கழித்த பல
நிமிடங்கள் கார்மேகம் போல்
மனத்தை அலைக்கழித்தது,
துன்பமாய் தோன்றிய நாளெல்லாம்
இன்று ஆனந்தமாய் இருக்கிறது.,
கூத்தாடி கழித்த நிமிடங்களை
வாழ்நாளின் இறுதி வரை சுமந்து கொண்டு இருப்பேன்.,
என் ஆழ் மனத்தின் மூலயில்,
அவை என்றும் பசுமையாய் வாழ்ந்திருக்கும்.....

2008-05-09T02:32:00.000-07:00

மவுனம்

மழையின் மவுனம் - அவள்
விழியின் மவுனம்

வானவில்லின் மவுனம் - அவள்
புன்னகையின் மவுனம்

காற்றின் மவுனம் - அவள்
சலனத்தின் மவுனம்

மின்னலின் மவுனம் - அவள்
சீண்டலின் மவுனம்

மவுனம் - அவள்
ஒரு புயலின் மவுனம்

२९/३/२०००.

2008-04-28T05:57:00.000-07:00

என் கவிதைகள் என்னுடனே
இருக்கட்டும் - அவை
வெளிப்பட்டால் பல மனங்கள்
புன்ணாகும் - சில உறவுகள்
பாழாகும்.,

ஆதலால் குமறும்
எரிமலையாய் கவிதைகள்
என்னுள் இருக்கட்டும்.

மன விளிம்பை தாண்டி
என் பேனா நுனியால்
கசிந்தாலும் அவை கறை
படிந்த தாள்களோடு நிக்கட்டும்..
அதை தாண்டி உன்
விழிகளில் எட்ட வேண்டாம்
என் கவிதைகள் என்னுடனே
இருக்கட்டும்..............

எல்லாம் சில காலம் தான்

2008-03-25T09:00:00.000-07:00

காதலியும், கண்ணீரும், கனவுகளும் -
எல்லாம் சில காலம் தான்
புரட்சியும், முற்போக்கு சிந்தனையும், சவால்களும்-
எல்லாம் சில காலம் தான்
உறவினர்கள், நண்பர்கள், பிணைப்புகள்-
எல்லாம் சில காலம் தான்
பகை, நட்பு, நன்றி -
எல்லாம் சில காலம் தான்
வாக்குறிதிகள், அழிவில்லா நினைவுகள் -
எல்லாம் சில காலம் தான்
நிரந்தரமானதும், வாழ்வில் சிக்காமல் இருப்பதும் -
எல்லாம் சில காலம் தான்
இன்பமும், துன்பமும், கவலைகளும் -
எல்லாம் சில காலம் தான்
எல்லாம் சில காலம் தான்
எல்லாம் சில காலம் தான்

இடைபட்டவள் நீ.....

2008-01-30T01:28:00.000-08:00

நிழலுக்கும் நிஜதிற்கும்
இடைபட்டவள் நீ

கடலுக்கும் கரைக்கும்
இடைபட்டவள் நீ

கடல் நுரைக்கும் காற்றிற்கும்
இடைபட்டவள் நீ

தோழிக்கும் காதலிக்கும்
இடைபட்டவள் நீ

இடையில் வந்தவளே
விடைபெற்று சென்று விடாதே....